Nen MARIO F. KARATEKA

NO tuan masulsulok ya duanlasus so dinmagup ya managpalapag o “media” dimad agawan panliliket ed arap na Kapitolyo sanen Huwebes na labi, ay baleg a kantidad so binusbus sirin nen mapagalang tin Gobernador Amado Espino.
Aliwan gakgalaw itay nawalan kay lasus lasus a bisita ya, onong ed sakey a kaarok ya wadman, say aso tan pusa ed abong labat so ag inawit.
Anggaponi so balita mi no naimasmasan lay inadaron gobernador ed karakul na linmusob ed imbitasyon to. Tongtongey tua, Read the rest of this entry »

Nen MARIO F. KARATEKA

PANSUSUAYANAN da itay no kapigan so impangiletneg ed Pangasinan bilang sakey a luyag.

Abayag layan isyu ta antomet lanti ey, anggad kapigan kasin singa bugkalot so inadaro tayon probinsiya no ag napatua-an o napaneknekan so inkianak to bilang sakey a yunit politikal?

Piga-pigaralan administrasyon so nan-egnay betang ed luyag, agdan ballot iya inikday kaonongan ya imano tan singa ipasoot dalan say tatawagen a “Pangasinan Day” et say inkianak nen datin Ispiker Eugenio Perez.

Aliwa. Aliwan maptek so istoryay luyag no ontan. Read the rest of this entry »

Nen MARIO F. KARATEKA

APONDI metlan talaga si opisyal militar tan Senador Antonio Trillanes IV kanian siguro niman ya nan-alburuto lamet ed Manila Pensinsula dimad Makati kaibay Heneral Danny Lim ya kapara ton kinasuan na rebelyon tan peles ya dedengelen na korte so kaso ra.

Diad sayan balon ag atuloy ya rebelyon daranian sundalon pinangaranan day inkasaysikara a grupoy “Magdalo”, lalon binmelat lamet so kaso ra. Siguro, no ag nasaltan yan administrasyon, dimad istakeyd (stockade) na militar laraya nabulok, awey labat. Read the rest of this entry »

Nen MARIO F. KARATEKA

MILAAK na talo tan binting ed si kaaron abogado Gonz Duque, presidente na Laysiyum Norswistern Yunibersitit, ed say kerew tan piogagep ton nawalaan na matudyo tan maanos ya pansukisok komon ed no kapigan a tua so impakatibokel na Pangasinan bilang sakey a luyag ed Pilipinas.

Abayag metlayan kerew tod saray manooley ed probinsiya a komon manggawara na riserts ed sayan kipaakaran tapian aliwan singa bugkalot so luyag tan saray Pangasinensen kapara tayo no asuntod kapigan so petsay “inkianak” na baley tayon nianakan.
Read the rest of this entry »

Nen Mario F. Karateka

SAYAN simba, ilaloan ya nabantayan lay bansa no panon akmonen na baling sakey ed duaran lideres na bansa tayo so prayd (pride) dan dili tan manolop lamet — odino mansian laray dalan.

Amta yola no siopay tutukuyen ko – si Presidente Arroyo tan si Ispiker De Venecia.

Diad panlukas na sesyon na Kamara de Representantes lamet ed sayay Lunes, ilaloan ya walan nagawa so panalin pangekal ed inkabtang na Ispiker si Dyo de Benesya, Anggad susulaten yan kolum, walan kompyansado met si Mama Joe de V ya angapotan a nagawan pangekal ed sikato ta inkuanton walalay malet ya paknaan dan dua di Presidente GMA ya sikatoni so mansiansiad poder tan ulo na Kamara. Read the rest of this entry »

Nen MARIO F. KARATEKA

NABUAS no omboto kayo, pili yo lamay toon saksakey so salita to. Andibalin anggapoy naipakorong , andibalin agto asompal so inaral to (ta anggan saray de kampanilya tan makakabat et sikaranio ingen no maminsan so tulisan – e, onelek kayo ta tua!) , andibalin makapoy so lupa to, basta amta ton piolopan so salita to.

Kulang lay mundo natan na saray totoon sinsero tan manompal na ikbanan dan pormisa. Kulang ya maong – laotlad dapag na gobyerno, nasyonal man o lokal.

Maslak et tuso tan managpalikdo. Eselan daka natan, nabuas ni agda nanonotan imay imbagara. Basta makakaimis a naynay so too, manalwar kayo; ta say labay ton ibabaga tan, no ag sinsero, sikato et nankampring. Read the rest of this entry »

Nen MARIO F. KARATEKA

AMIDUAN sintada la ya akapanganak na maablir ya bangus, sakey et inkalot ya sinaliw ed samay suki nen misis ditad Malimgas tan sakey ya nirelyenon bangus ya inorder mid datin orderan mi.

Pweeh, maablir! Aliwan Bonuan bangus iman so asaliw mi. Et agmomet natetel o tanton napankasalanan siguro imay nankalot o nanrelyeno ta onaan, nayarin agto amta ya maablir so bangus ya inusar to odino, komadua, talagan nan-igot met kanian tinakpan toy mamura balet singa nengneng toy mataban Bonuan bangus ed saliwan to. Read the rest of this entry »

Nen MARIO F. KARATEKA

SIOPAY manisian malet ni so aroan da di Nana Gloria tan Mama Dyo?

Natan ta apabaingan la na anak nen Ispiker Dyo so pamilya Arroyo lapud samay makilot ya NBN-ZTE brudban dil tan singa pinasakbayan la na kaalyados nen GMA ya asingger a nadisgrasya so inka-Ispiker nen kabaleyan tayon Dyo DV lapud saya, lamat ,aliwan elet, so nanenengneng na totoo ed relasyon daranian duan lideres na nasyon.
Read the rest of this entry »

Nen MARRIO F. KARATEKA

ANTO, dengi lamet!

Agtila amo naandian na onian sakit,tan sakit na ulo, katerter na oran. Agmet ingen tanton makapakelaw ta anggad arom iran bansa,nagogonigon met irad sayan ambelat a sakit ya awit na samay ageyet a tatawagen aedis aegypti Dimad bandad Ilocos Sur, walamay riport a pitora lan bilay so tinigaway na dengi.

Diad sikatayod Pangasinan, mandakel laray kaso met. Anggaman agmet ni masyadon makapapaga komparad imbeneg iran panaon, maong lay manlwar tayo, lalolad saray angkelag ya ilalak tayora ta saraya so maslak napapeketan na sayan sakit. Read the rest of this entry »

Nen MARIO F. KARATEKA

NO tuan mililikna kan kabaleyan nen Ispiker Dyo de Benesya, antam, nalikas mo ed salita nen Misis Dyina de Benesya ed sakey a okasyon diad Dagupan nen simban imbeneg ya manliliknay baleg a gonigon so pamilya da.

Agton balot ipatnag iya ed publiko nen Ispiker ta amtayometlan sakey iyan madiplomasyan lider balet amtay karaklan so belat ya aawiten to tan pamilya to manlapud impantestigo nen anak ton Dyowey de Benesya Da Terd laban ed si Pers Dyintelman Mayk Aroyo, asawa nen GMA.
Read the rest of this entry »