Nen MARIO F. KARATEKA

ANTO,  abawasay kaalyado laingen si Meyor BSL ditad konseho na siyudad  na Dagupan?

Singa ag natalusan no iner a talaga so kolaan nen Konsehal Red Ere-Mejia kasompla ya saya et ompabopr ingen binmoto ed dapag na mayoryad konsejo ed samay  agawan override na “veto” nen BSL ed samay duaran ordinansa nipaakar ed pragkisa na traysikels.  Naelew la labat kasi yay ogaw – odino  akombinsi na anghel a bantay to? Awey balet no siopay anghel a bantay to.

Balet  singa say sayangeseng  et nayarin  istratehiya iya . Agkola kaparukuyan  ya idalatdat balet. Read the rest of this entry »

Nen MARIO F. KARATEKA

NO AGMO amta itay ebola virus tan no panoy sibeg tonia nen pinalanit toray taga kontinenten Aprika ya abak-baktar ira nen imbebeneg iran dekada, anggapon balot so pagam ed satay balitan nalmoan ya walaan na sakey a klasen ebola iray baboy dimad sakey a pigeri ed Manaoag.

Ompan agka ingen man-ngilin ed pananagan moy karney baboy.
Ta say kuanda lanti, say sakey bengatlan agmo amta, agtokaya nasakitan (What you don’t know, won’t hurt you) Read the rest of this entry »

Nen MARIO F. KARATEKA 

NAKEKEWKEW lay utek daray managpoonan tan saray angkabaleg so deposito dad banko lapud say nagagawa natan ed sistema pinansiyal tan abong ya pabayesan  na higanten Estados Unidos.

 

Loreykatay saray internasyonal iran managpoonan o “investment houses”a kuan et biglan mangideklaran nalulugi lara tan sansakey iran onkokolaney tan nalelespak!

 

Say sankabiskegan a ekonomiyad tapew na mundo et singa asabiay baleg a beblay na laman tan patey-pateyan la. Inamin mismo nen Presidente Bush na Amerika ya  delikado so kipapasen natan na tatawagen dan Wall Street, say sentro na kwarta tan negosyoan dimad dalin da tan kekerewen tod Kongreso ya mangibolos iray kwartan panalba ed saray mansasakit iran snetro na poonan tan pabayesan. 

    * * * Read the rest of this entry »

MARIO F. KARATEKA

AKIN TA et mamainomay darayay miyembroy konseho tayod Dagupan so manuspindi na probisyon na sakey ordinansa a?

Bigla labatla ed imbeneg a simba, inabuloyan so pangisuspindi ed probisyon na Trapik Kod na Dagupan nipaakar ed dusa parad saray pampasaheron draybers no mamitlon naerel ed panusunggay na ley trapiko dia.

Nanonotan ya kinerew na asosasyon daray draybers tan opereytors na dawntawn tan Bonuan iran dyipni ya samay probisyon parad pamawi na lisensiya o permiso na sakey drayber ya nalmoan a amitlon sintadan Read the rest of this entry »

Nen MARIO F. KARATEKA

MAGANGANON ombilonget so tawen, insan bigla labatlan onooran natan, agyota nanaimano?

Panaon lay sibilao.

Makolo-kolor iray rosas tan singa malike-liket iray kompapey a singaraya kapawa-paway dad no iner so nanaamotan da nen panaon na tiagew.
Basta ag ombabagyo odino natetekepan na maksil a dagem, maliketak no ompepelag so oran. Awey no akin. Sanen ogawak ni ya batik-batik ditad banday Pandayan (Herrero), no onoran tan nadanoman so silong na Read the rest of this entry »

Nen MARIO F. KARATEKA

NO maminsan, sarayay kakaibad Medya et singa walay nenengnengen da tan walay seselengen da. Medyo agya marakep ed imahe na sayan propesyon ta laba-labay tayon ibaga lanti ya parehas so laban tayo, parehas so trato tayo ed saray suheto na balita tayo, andi ta?

Balet ed samay agawan impakasamalan dad kanen na pigaran bisita ed sakey a bansal ya ginawad sakey a pamoson otel diad Dagupan, singa sinmosener so dila daray pigaran istasyoy radyo tayo ta agda nabitla ed onaan ya pasada no anton otel iya.

Amta Star Plaza Hotel labat manaya, singa talawan dan bitlaen. Amta diad tuay tua, parte iya na balita; diad tuay tua, sayan talaga so balita. Read the rest of this entry »

Nen MARIO F. KARATEKA

AG naiwasan ya manduarua o mansuspetsa natan iray kabaleyan tayon mamabantay ed say pangigagapoy panapiger na saray iskwelaan daran adanyos na bagyon Kosmi kasompal ya nadngelan so ginawan impamatonda nen Meyor Sammy Rosario na Binmaley ed say kontraktor ya mangagaway pan-apiger na Binmaley North Central School.

Bilang inhinyero tan kontraktor mismo met, amta nen Meyor Rosario no say uusaren iran materyales et sustod parad kipaakaran darania. Sakey nengneng labat nen mayor ed inusar iran angkekelag (9 milimeter) iran “steel bars,”amta tolan tampol ya nan-igot so kontratista tan makapoy so kasompalan na trabaho kanian, ora mismo, pinatonda toy pan-aapiger. Read the rest of this entry »

Nen MARIO F. KARATEKA

MANSAKEY bulan la lawari, no agdani amotektek irayay opisyales tayon tagaiter na tulong, kasompal ya binasigan dan impapangorngor nen Cosme so sentral tan western Pangasinan sanen Mayo 17. Hunyo a-10 la natan.

Et no tayam-tayamen da ed andokey ya debatean iray tatawagen ya “guidelines” da parad ibonog iratan ya tulong – kakanen, kawes odino yeron itarong ed alakasan a kaabongan – nakalan lay ganas iray biktima na bagyo.
Read the rest of this entry »

Nen MARIO F. KARATEKA

HUNYO la, bulan na gapoy iskwela.

Panon to ya balet, inong, ta nian ageba-geba tan alak-lakasan so iskwelaan mo? Agka kasi onansit no man-aral kayo ed pataktak ta lanti nakalan lay atep so klasrom mo?

Say marakep ya balita – at lis diad peryodiko tan radyo – et angibulos lay DepEd kono na singa P25 milyones pesos pian panapiger o panpagawa na aderal-deral iran iskwelaan ed indalan nen bagyon Kosme. Read the rest of this entry »

Mario F. Karateka

AMAGAMAGA a kuan daray matatakken. Singa kulang na rikado, no diad salita daray managloto.

Anggapoy Nana Gloria, anggapoy Cuya Joe ed panaon na pangilukas na sankabalgan a proyekton imprastruktura ed Dagupan – samay tatawagen natan ya Taytay na Pantal – ya manbiliy singa sakey bilyon a pisos. Say wadman a sinmabi labat a sankatagyan ya opisyal nasyonal et si Sekretaryo Hermogenes Ebdane na DPWH tan say ambassador na Hapon a si Makoto Katsura. Read the rest of this entry »