Nen MARIO F. KARATEKA

NENGNENG mo pay kalokoan daray totoo met, awa?

Imbes a mikasakey iratan ingen iyagel day siyudad da ed makapoy a pakabitla ed sayay kalabalabas ya Bangus Pistibal, sikarani so manderal na pakadayewan na siyudad.

Say tutukuyen ko aliwa labatlan satay apabalitan pigaran tuson pinalsan manga-alay kontribusyon ed saray lokal iran negosyantes para konod say Bangus Pistibal balet ibubulsa da labat so nakolekta, no ag ingen pati samay impinge-ekas na saramay “tarpaulins” ya anunsiyo na saray nanduruman aktibidades ed Pistibal.

Agaylay dismaya toniay makolin Bise Mayor Belen Pirnandis nen naimano ton baleg a porsiyento daray pinanirapan a impepeket tan inkakabit iran istrimers tan tarpaulins ed nanduruman pasen na siyudad anggadman ed Bonuan et – niaka—tinatakew na sakey sindikato.

Sindikato kuanko ta singa nalmoan ed impansukisok, saray angaala tan nan-eekas na tarpaulins et grupo kono na akatraysikel ya aka-ID met na Bangus Pistibal. Siyempre anggan walay makaimanod gagaween da bilang, ta walaan met iray uniporme tan ID na BF lanti, et agdalara banoen.

Manisia kayo tan diman lad solar mismo nen Madam Belen ya CSI Da Siti Mol et inekas niray tarpaulin yaw wadmad paloob o butada na Nanarian nen Nana Belen tan apalusotan so saray akatanyareg ya sikyos?

Alay sibeg daranian sindikato met!

Walay inap kon sarayan animales et say trabaho dad abong… manekas na impesak no asingger lan onoran. Korik ka, Nana Ilet, Saraya et man-ngaray Andres.

Korni?