MARIO F. KARATEKA

RALI la lamet!

Sanen taon 2000, dimad Manila, akimbog iray totoo tan pinaepas si Erap bilang presidente na bansa.

Natan, taon 2008, waloy taon labat so apalabas, nian nakikiwakiw lamet so nasyon ed getman pamaepas ed sakey ya panguloy bansa, si Presidente Gloria Arroyo.

Martsa, rali, ebatan, sermonan so narerengel la lamet ta onong ed saray manpoprotesta, korap so gobyerno nen Mrs. Arroyo tan dawit iray pamilya to.

Anggaponi so angaksobi o angawat balet manlalapud linya daray peles ya manrarali ya sikara, sikaran mismo so sengegmet lamlamang na onian agawan ag matonong ya panag-oley ta sikara, sikara mismo so angipasen ed si Mrs. Arroyo panamegley na syortkat a pipol pawer..

Antikey a salita anggaponi so mangawat ya alingo ira.

Natan, no bilang nagawan nasaltan da lamet so presidente, antoy garantiya ya aglamet naolit so pakalingo? Anggapo, awa?
Singa agtayo amo makaka-aral ya Pilipino. Kuana sakey a sosyal sayantis et walay kultura tayon ag naispeling, niduma-ruma ed saray arom ya bansan kaiba tayo diad Asya.

Singa kono labay tayon mangipasen na sakey a Dios bilang presidente, ya andian ni melag a kasalanan.

Siyempre, lapud too so presidente, walan walay pankasalanan to. O no aliwan sikato, saray kabinete o say pamilya to. Insan tayod satan mankulanget tan mantarampas tan manggawa lamet na pipol pawer pian salatan so impayorong tayod poder.
Iner lay laen tayod saya ey – ta saksakey met lanti so Dios tan wadman ed Tawen ni?

Mangipasen tilay aso amo.

* * * *
Ni, manri-reyd lamet iray popolis ed saray kuandan obong na jueteng. Erel diman, erel dia. Akin antoy agawa? Agta akatimbre laraya tan regular met so agos na ‘intelehensiya’ tan makakasapit met iray pitpit ya Medya?

Agko labay ya isipen ya saya et lapud walalay balon hepe na PNP ed rehiyon. Nakal lay Superintendente Pol Bataoil tan sinaltan la nen Supt. Hilomen. Anto sirin, panamakabat irayay reyd labat sirin? Andipa komon.

Agakmet manisian sayay singa biglan kasil na PNP laban ed saray juetengeros et lapud samay impakabulgar na payola o pasuksok ed pigaran kabiangay Medya diad luyag no iner pigaran ngaran ya kabkabat ed sayan propesyon so abitlay numero da.Agta ibuburi daranian Medya ya makakaawat ira? No manisia kayod sikara, di anggapo sirin so jueteng ed luyag, andi ta? “No money, no jueteng,” korik?

Aweyladtan.

Anggapo pa so nasisingob kon sugal dia.

Sikayo Ms. Brodkaster tan Mr Anawnser, walatay nasisingob yo?
Samay bastos ya Hataw balet ay say kuanto walay maampap kono. Bastos met iman ya pinalsa. Di manpepetla — nen say isulat-sulat toni ya nabasay baley.