Nen Mario F, Karateka

NATAN siguro, mas babaleg so tsansa daray taga komapat a distrito ya makapitoyaw ed inad-aro dan Kongrisman Dyo de Benesya. Mas naynay dala nanengneng so momokatan nen Mama Dyo ta walaan laya na mas malublubay ya iskedyul parad ibisita to ed bar-barangay, binaley-baley da.

A singa ginawa to ed sayay imbeneg a samba.

Sanen Sabado wadman ya ininagora to so “Fishery Academy” dimad kompawn na BFAR ed Bonuan, sakey a proyekton baleg so iter ton benepisyo ed sayan probinsiya tayon nabibilay ed panagdalus tan panagsigay. Nen Simba’y kabkabuasan ,
wadman si JDV ed PTA resort ed San Fabian ya akitoyaw ed saray mayores tan kakapitanes na distrito.Bandad alas diyes na kabuasan linman tinmuloy ed barangay na Talogtog tan Landas ditad Mangaldan pian lukasan toy balon atarongan ya panagmitingan da (covered courts)

Nayarin naplag si JdV manlapud atagey ya puesto to … balet naplag iya ed manaalagar ya manampat a taklay daray kaluyagan to.

* * * *
Niay sakey a makapalek a teks misids ya impawit dad silpon ko nen imbeneg a simba:

Lozada – ½ Pinoy, ½ Intsik;
Apostol, — ½ Pinoy, ½ Bulol;
Joker Arroyo — ½ Pinoy, ½ Pikon;
Santiago – ½ Pinay, ½ Ibang Planeta;
Enrile – ½ GMA, ½ Erap;
Gonzales – ½ Pinoy, ½ Linta;
Razon – ½ Pinoy, ½ Patola’
Mascarinas – ½ Pinoy, ½ Papirma
GMA – ½ lang talaga!

* * * *
Akin kono et singa tinmonda lay trabaho ed samay taytay na Calvo (Calvo Bridge) ditad bawndari na Bayambang tan probinsyay Tarlak?

No dengelen moy kwento na sakey opisyal na baley (aliwan si Meyor Ric Camacho) et singa akaona la kono so pasuksok ya pigaran milyones ed duaran ataragey ya opisyales kanian agni nasompa-sompal na kontratista a say Roadtech Construction ta lanti anggapometni pondon sinmabi parad proyekto.

Wadtan ya akatongakngak so agni agawan taytay sengeg na pakakaabala daray ondadalan.

Agmet kasi nakokonsensiya irayay masiban piniliy baley ya walad poder – inuna day dilin bulsa da nen say pakasompal na dalanay baley?

Kanian agla napultot so Pipol Pawer diad ‘Pinas ta agmet napultot so onian samel ya panag-ugali daray maslak ya opisyales!