Nen MARIO F. KARATEKA

BALEG a katraydoran so ginawa daray pigaran kakaibad partido Lakas nen Ispiker Dyo de Benesya; Dadauloan nen Kongrisman Prospero “Boy’ Nograles na Davao, sarayan kakaalyados manayan andi nen JdV et malinlinew ya asogsogan o asileng ed ambisyon da a singawen so liderato na Kamara ed kabaleyan tayon Dyo de V.

Bangta imbagay presidente na Lakas a si GMA ya agla gigiroen si JdV ed puesto to tan pansiansiaen so moyongan ed Kamara de Representantes, patuloy nin mani-ingal yay Nograles ya sosogsogan met nen Kongrisman Luis Belyapwerte na Kampi, say malet a kalaban nen Ispiker Dyo, a sayan too met lanti et aminpiga lan analin patumbaen si Ispiker balet palpak iyan naynay.
A
Agtayo natetel si Manay Dyina, kapisag-puso nen Ispiker no bilang baleg so sentimyento to laban ed Nograles ta aliling toy pinabaleg tan pinanpiya-an nen asawa ton Manong Dyo iyan too tan natan nian sasagsagen tod beneg so aliling toy ama o agi to.

Dia apatua-an lamet, tan malinlinew, so kuandan diad politika, anggapoy permanenten kaaro no ag ingen permanenten interes labat. Der ar no pirmanint prens, only pirmanint interes.

Maong met labat ta saray kabaleyan tayon arom a kongresista — ya puerad si Kongrisman Viktor Agbayani a kapartidoan nen JdV ed Lakas tan siyempre kaalyado ton malet –anggaman walarad Kampi tan Nasyonalis Pipol’s Kwalisyon a singara di Kongrismen Rasyel Arenas, Mark Cohuangko tan Conrad Estrella III et nagsipirma ra na manipistoy suporta parad Dyo de V.

Awey labat balet no kasabiy botosan ed Kamara sano Lunes et mansisansian parad Dyo niraya.

Mantalineng tayo labatla, kabaleyan mira, no antoy kisagmakan nen Ispiker tayo tan markaan tayoray mantraydor nid sikato ta bikkelen tayora kasabiy eleksiyon lamet.
* * * *
Lugayan tipay maabig ya kompleanyo sanen Simba, Pebrero 3 si datin Social Welfare Assistant na Sual, Pangasinan a si Myrna P. Estrada. Asapat dalay taon sitenta balet maksil nira. Nanserbi met ira ed silong na DSWD lamlamang ditad Bugallon tan Labrador antis ya na-asayn irad Sual.

Nanretiro rad serbisyo nen Hulyo 50, 2002. Hapi Bersdi pala sirin, mam!